☑️ Қолданыстағы заңнамаға сәйкес, ыстық тамақты конкурстық негізде таңдалатын қоғамдық тамақтандыру қызметтерін көрсетуге мамандандырылған жеткізушілер жүзеге асырады.

 

☑️ Тегін ыстық тамақпен 1-4 сынып оқушылары және әлеуметтік осал топтарының 5-11 сынып оқушылары қамтылды.

 

☑️ Барлық бастауыш сынып оқушыларына және жалпы білім беру қоры есебінен бөлінетін каражат 448 тг. құрайды. 

 

☑️ Облыс бойынша жаңа оқу жылынан бастап бастауыш сынып оқушыларына  және әлеуметтік осал топтарының 5-11 сынып оқушыларына арналған бірыңғай перспективалық (ұсынылатын) екі апталық тағамдар мәзірі жаңартылды және бекітілді.

 

☑️ Көрсетілетін қызметтердің сапасын мониторингтеу мақсатында барлық өңірлерде мәслихат, қамқоршылық кеңестер, ата-аналар жұртшылығы, көпбалалы отбасыларды қолдау орталықтары, ҮЕҰ және т.б. өкілдерінен тұратын ведомствоаралық сараптамалық топтар құрылды.

 

☑️ Мектептерде тамақтануды ұйымдастыру туралы ата-аналарды хабардар ету үшін білім беру органдары мен ұйымдарының сайтында «Мектептік тамақтандыру» айдары, сондай-ақ «Bilimal. Электронды мектеп» жүйесінде ас мәзірі, тағамдардың фотосуреті, бракераж комиссияларының және ведомствоаралық сараптама топтарының актілері қоса беріледі.

 

☑️ Мектептер асханаларының ас блоктарында бейнебақылау жүйесі орнатылды. Сондай-ақ балалардың тамақтануына ата-ананың бақылауды жүзеге асыруға мүмкіндік беретін қолма-қол ақшасыз есеп айырысу жүйесі енгізілді.

 

☑️ Азаматтардың әлеуметтік желілердегі және БАҚ-тағы өтініштері бойынша ведомствоаралық сараптама тобы аталған объектілерге барады және тексеру қорытындысы бойынша тиісті шаралар қабылданады.